Profili i stafit - MSc. Bisela Asllanaj - Fakulteti i Shkencave Mjekësore

FAKULTETI I SHKENCAVE MJEKËSORE

GRADË DHE POZICION AKADEMIK	MSc. / Asistent Lektor
STATUSI AKADEMIK AKTUAL DHE FORMIMI	Bisela Asllanaj është doktorante në proces, me Master Shkencor dhe diplomë në Mjekësi Stomatologjike (PhD candidate, MSc, DMD). Ka tre diploma universitare, një të fituar në Holandë dhe dy në Shqipëri. Formimi i saj ndërthur shkencat stomatologjike, kirurgjinë orale dhe maksilofaciale, implantologjinë, epidemiologjinë klinike dhe sociale, shëndetin publik, metodologjinë e kërkimit shkencor, mjekësinë e bazuar në evidencë, parandalimin e sëmundjeve, promovimin e shëndetit dhe biostatistikën.
POZICIONI	Pas studimeve të larta në Shqipëri, Holandë dhe Angli, ka punuar si pedagoge e jashtme për shtatë vjet në Universitetin e Mjekësisë Dentare të Tiranës dhe më pas për një vit në Albania University. Aktualisht vijon karrierën akademike në Universitetin Barleti dhe Universitetin e Mjekësisë Dentare të Tiranës. Për rezultatet e saj të shkëlqyera, është diplomuar si studentja e parë në stomatologji dhe është renditur ndër 10 studentët e shkëlqyer të mjekësisë. Ka fituar vendin e parë në konkursin e specializimeve në Universitetin e Mjekësisë.
KONTRIBUTET	Është e angazhuar në punën klinike me pacientë dhe në rrjete akademike e profesionale kombëtare dhe ndërkombëtare. Kontribuon në shërbimin ndaj pacientëve, zhvillimin e kërkimit shkencor, publikimin dhe shpërndarjen e njohurive shkencore, si dhe shkëmbimin e përvojave profesionale. Ka publikuar artikuj shkencorë brenda dhe jashtë vendit dhe ka marrë pjesë në më shumë se 60 konferenca dhe kongrese shkencore kombëtare e ndërkombëtare. Një nga botimet e listuara është: Asllanaj B, Kragt L, Voshol I, Koudstaal M, Kuijpers MA, Xi T, Bergé SJ, Vermeij-Keers C, Ongkosuëito EM. “Dentition Patterns in Different Unilateral Cleft Lip Subphenotypes.” Journal of Dental Research. 2017 Dec;96(13):1482–1489. doi: 10.1177/0022034517723326.
VEPRIMTARIA AKTIVE DHE FUSHAT E INTERESIT ZHVILLIMOR	Fushat e saj të interesit shkencor dhe zhvillimor përfshijnë: stomatologjinë dhe kirurgjinë orale e maksilofaciale; epidemiologjinë klinike dhe epidemiologjinë e popullatës; shëndetin publik dhe parandalimin e sëmundjeve; kërkimin shkencor dhe mjekësinë e bazuar në evidencë; analizën dhe interpretimin e të dhënave shëndetësore; promovimin e shëndetit dhe përmirësimin e cilësisë së shërbimeve shëndetësore; shëndetin digjital dhe aplikimin e teknologjive inovative në shëndetësi; si dhe bashkëpunimin shkencor ndërdisiplinor dhe zhvillimin e praktikave bashkëkohore në kujdesin shëndetësor.

Lidhjet e shpejta: Politikat e privatësisë | Matura Shtetërore | Portali E-Albania | Ministria e Arsimit dhe Sportit | Portali U-Albania